کورونا وائرس کی تباہ کاریاں، فرانس میں ایک دن میں 15 ہزار سے زائد نئے کیسز رپورٹ


دنیا بھر میں کورونا وائرس کی تباہ کاریاں جاری ہیں، فرانس میں ایک دن میں کورونا وائرس کے 15 ہزار سے زائد نئے کیسز رپورٹ کیے گئے، ملک میں دوبارہ لاک ڈاؤن کا امکان ہے۔

دنیا بھر میں کورونا وائرس سے متاثرہ افراد کی تعداد 3 کروڑ 27 لاکھ 92 ہزار 505 ہوگئی جبکہ کورونا وائرس سے ہلاک افراد کی تعداد 9 لاکھ 93 ہزار 971 ہوگئی۔

دنیا بھر میں کورونا وائرس کے فعال کیسز کی تعداد 76 لاکھ 7 ہزار 936 ہے، ان میں سے 63 ہزار 904 کیسز تشویشناک ہیں جبکہ دنیا بھر میں اب تک 2 کروڑ 41 لاکھ 90 ہزار 598 کرونا مریض صحتیاب ہو چکے ہیں۔

بین الاقوامی اعداد و شمار کے مطابق دنیا بھر میں کورونا وائرس کے کلوزڈ کیسز میں سے 96 فیصد مریض وہ ہیں جو صحتیاب ہوچکے ہیں جبکہ ہلاک ہونے والوں کی شرح 4 فیصد ہے۔

اسی طرح فعال کیسز میں سے 99 فیصد معمولی بیمار ہیں جبکہ صرف 1 فیصد مریضوں کی حالت تشویشناک ہے۔

کورونا وائرس کیسز کے لحاظ سے امریکا دنیا بھر میں پہلے نمبر پر ہے۔ امریکا میں رپورٹ ہونے والے کورونا وائرس کیسز کی مجموعی تعداد 72 لاکھ 44 ہزار سے زائد ہوچکی ہے جن میں سے فعال کیسز کی تعداد 25 لاکھ 55 ہزار 25 ہے۔

اب تک ملک میں 2 لاکھ 8 ہزار 440 مریض ہلاک ہوچکے ہیں، زیر علاج 14 ہزار 141 مریضوں کی حالت تشویشناک ہے جبکہ 44 لاکھ 80 ہزار 719 مریض صحتیاب ہو چکے ہیں۔

بھارت کورونا وائرس کیسز کے حوالے سے دوسرے نمبر پر ہے، بھارت میں کورونا وائرس کے متاثرین کی تعداد 59 لاکھ سے تجاوز کر گئی ہے جبکہ اب تک ملک بھر میں 93 ہزار 440 افراد کورونا وائرس کے باعث جان سے ہاتھ دھو بیٹھے ہیں۔

بھارت میں فعال کیسز کی تعداد 9 لاکھ 65 ہزار 724 ہے جبکہ صحت یاب مریضوں کی تعداد 48 لاکھ 49 ہزار 584 ہوچکی ہے۔

برازیل میں بھی کورونا وائرس کی تباہ کاریاں جاری ہیں جہاں وائرس سے ہلاک مریضوں کی تعداد 1 لاکھ 40 ہزار 709 ہوچکی ہے، برازیل میں اب تک 46 لاکھ 92 ہزار 579 کورونا کیسز رپورٹ ہو چکے ہیں۔

مذکورہ تینوں ممالک کے علاہ کورونا وائرس کیسز کے لحاظ سے روس، کولمبیا اور پیرو بالترتیب چوتھے، پانچویں اور چھٹے نمبر پر ہیں۔

روس میں کورونا وائرس کے مجموعی کیسز کی تعداد 11 لاکھ اور اموات 20 ہزار، کولمبیا میں کیسز کی تعداد 7 لاکھ اور اموات 25 ہزار اور پیرو میں کیسز کی تعداد 7 لاکھ اور اموات 32 ہزار ہو چکی ہیں۔

ادھر فرانس میں ایک دن میں کورونا وائرس کے 15 ہزار سے زائد نئے کیسز رپورٹ کیے گئے، 24 گھنٹے میں ملک بھر میں کرونا وائرس سے 150 افراد ہلاک ہوگئے۔

بین الاقوامی خبر رساں ادارے کے مطابق فرانس میں دوبارہ لاک ڈاؤن کا امکان ہے۔




Source link

Leave a Reply

Your email address will not be published. Required fields are marked *